2‏/6‏/2009

حوار مع مثلية ولكن ...

صرخة شرين


تحدثت قبل ذلك عن الشذوذ اوالمثلية ولكن الآن اريد ان اذكر لكم عن أنواع المثليات هناك العديد من أنواع المثليات ، فهناك المثلية 100% ، أو المثلية المطلقة ، أو المثلية المتزوجة .

أولا المثلية 100% : هذه شخصية لن استطيع إن أقول عليها ولدت مثلية فكيف لي إن أقول إن هذه الشخصية ولدت هكذا ولكن كانت هناك أسباب أدت بها إلى ذلك فالله منذ بداية الخلقة خلق الذكر والأنثى فما الأسباب التي أدت بها إلى ذلك ....
1) حدوث خلل في البيت والأسرة
2) فقدان الأمان والحب في البيت
3) بداية خاطئة على معرفتها لمعنى الجنس وإستياق المعرفة من مصادر خاطئة
4) الادراك الجنسى المبكر
5) الاصدقاء
6) مشاهدة الافلام الجنسية التى تداعب خيالتهم

لن أتطرق للشرح فاعتقد إن ما اقصده مفهوم هذه الأسباب من وجهة نظري أهم الأسباب المؤدية إلى المثلية التى تدافع بقوتها عن مثليتها وترفض اى شيء دون ذلك ومهما حولت إن تتحدث معها يمكنها إن تهاجم بكل الطرق وتستطيع إن ترد دينيا وطبيا واجتماعيا وتعترف صراحتا بأنها مثلية ولن تغير وجهة نظرها مهما كان فهي تشعر بنفسها وكيانها وكينونتها في هذا الشيء .


ثانيا المثلية 50% : هذه شخصية تقع بين قبولها للرجل وقبولها للمرأة وهى أيضا لها نفس الأسباب التى تم ذكرها ولكن يضاف عليها أنها تريد إن تتزوج ولا ترفض مبدأ الزواج ، ويعتبر هذا النوع مرفوض من قبل المثليات السابقات ويعتبرونهم بلا هوية ولكن يرجع أسباب مثليتهم إلى الأسباب السابقة بالإضافة إلى
أولا : شعورهم بالخوف من الحلال والحرام ووقوعهم تحت ضغط نفسي رهيب داخليا
ثانيا : خوفهم من فقدان للعذرية
ثالثا : تأخر سن الزواج

ولكن هؤلاء أكثر الأشخاص القابلين للعلاج والتشافى فهم لا يستطيعون أن يجادلوا في الحوار ويشعرون بالذنب باستمرار داخليا ولكن لا يستطيعون التراجع بسبب الطرف الأخر الذي معهم ويشعرون بالحب معه .

ثالثا المثلية المطلقة : هذه الشخصية منقسمة إلى قسمين

- مثلية سابقة : وهى لم تستطع إن تتعايش مع الزوج ويرجع ذلك إلى همجية الرجل الذي تزوجته ، أو إلى إن يكون هذا الرجل فيه من الخلل ما لم تستطيع إن تحتمله ، أو أنها شعرت بعد الزواج إن هذا الرجل لم يستطيع إن يتعامل معها ويرضيها جنسيا كما كانت تشعر مع مثلية .

مثلية بعد الطلاق أو الأرملة : بمعنى أنها افتقدت للجنس والحب ومع خوفها على كيانها الاجتماعي وشكلها وسط العائلة فتصبح مشتاقة إلى الحب والاهتمام من طرف أخر كما تشتاق إلى الرغبة الجنسية ، وعلى الرغم من عدم وصول هذه المثلية في كثير من الأحيان إلى النشوة الجنسية إلا أنها تصبح مُرضية لها مقابل الحفاظ على الشكل الاجتماعي والخوف من المجتمع

رابعا المثلية المتزوجة : أيضا تنقسم إلى قسمين

-هي المثلية السابقة : التى كانت مثلية قبل الزواج واستمرت بعد الزواج إما لشعورها بالراحة النفسية في العلاقة والمشاعر مع الطرف الآخر المشابه لها ، وإما لحبها لطرف سابق قبل الزواج

مثلية بعد الزواج : هذه الشخصية هي من تفتقد الحب والجنس من الزوج ولكن لا تستطيع الاستغناء عن الزوج لأسباب مادية أو لأسباب اجتماعية أو لكلاهما معا ، وهى في نفس الوقت لم تستطع إن تركب جريمة الزنا أو الخيانة وأحيانا يجرب البعض ولكن لا يستطيع إن يكمل ، فتلجأ هذه الشخصية لعلاقة مع مثلية وبذلك ترضى ضميرها وتحافظ على الشكل الاجتماعي لها .

هؤلاء هم المثليات بأنواعهم وجميعهم مدافعون عن مثليتهم كأنهم يدافعون عن دينهم وشرفهم لن يستطيع احد مجادلتهم دينيا أو نفسيا هذا ما ذكرته لي إحدى المثليات ولا يحبون أن يطلق عليهم كلمة شواذ فهم مختلفون عن هؤلاء ، وجميعهم او نسبة 90 % متخرجات فى جامعات او فى جامعات القمة ومن مستوي اجتماعى ومادى مرتفع .


41 الا بيصرخوا معايا:

عايزه اتوب يقول...

ثانيا المثلية 50% : هذه شخصية تقع بين قبولها للرجل وقبولها للمرأة وهى أيضا لها نفس الأسباب التى تم ذكرها ولكن يضاف عليها أنها تريد إن تتزوج ولا ترفض مبدأ الزواج ، ويعتبر هذا النوع مرفوض من قبل المثليات السابقات ويعتبرونهم بلا هوية ولكن يرجع أسباب مثليتهم إلى الأسباب السابقة بالإضافة إلى
أولا : شعورهم بالخوف من الحلال والحرام ووقوعهم تحت ضغط نفسي رهيب داخليا
ثانيا : خوفهم من فقدان للعذرية
ثالثا : تأخر سن الزواج
************************************
دى انا بالضبط
عندك حل ليا بقى؟
لانى بجد والله تعبت وقرفت من نفسى
لما باتمنى الموت كل يوم بس بارجع اقول لنفسى هاروح لربنا اقوله ايه؟
انا ماعملتش حاجه كويسه علشان اقابله

لو عندك حل ليا اكون شاكره جدااااا
ويبقى ربنا جعلك ليا سبب فى الهدايه
انا متبعاكى من فتره

شجر الليمون يقول...

السلام عليكم
أولا يا سيدتي دعينا من تسميتهم باتلمثليات لأن الاسم الحقيقي هو السحاق

ثانيا سأسرد في تعليق أخر بعض أراء الدين ومازلت متمسك [انه جانب ديني بحت ولا يمت للنفسية بصلة..
ماذا تريد من تفعل ذلك هل هوشعور بالرجولة إذن هي مخنسة أم أخري تحب الاتيان مع فتاة حيث لا شرع لله في ذلك
ماذا تريد .
ردول الحقائق لمفاهيمها الاصلية هي تفعل أفعال الزنا ولكن مع فتاة مثلها فما حد ذلك ومن تلك التي تبيح ماحرم الله بغير وجه حق

اللهم اهدهم أو اخسف بهم بعذاب من عندك انك علي ما تشاء قدير

يا سيدتي لي عودة قريبة جدا بأسانيد الدين لهذه المهزلة الاخلاقية

شجر الليمون يقول...

اسقيها من حرارة الشفة اسقيها
وفي دنيا السحاق قاربي أن تعبديها
تمردي علي السماء كيف شئت
فما لك إلا لذة تنهيها
فكي القيود عن جسد معري
أن لنار الشوق أن تطفيها
لها شهوة حمقاء تعضها بأظافر
كاد مهد الفراش أن يشتهيها
لاتخافي الله فمن قبل
دمر الله البلاد علي رءوس بنيها

ريمان يقول...

السلام عليكم


ازيك يا دكتوره

عجبنى اوى طريقتك فى تقسيمات المثليه


فى تعليق عندك لفت نظرى اللى هو اول تعليق باسم عايزه اتوب

انا والله سعيده جدا انها عرفت تحط ايدها على المشكله وبتطلب المساعده وباين عليها اخت فيها خير كبير وكويسه وبتحب ربنا ونفسها تتوب

خليكى معاها وباذن الله واتمنى من الله ان تكونى سبب فى هدياتها يا رب

هو فعلا الموضوع ده خطير ومشكله كبيره جدا وارجو بجد انك تعرضى فى البوست الجاى اساليب العلاج الفعاله للموضوع ده

بس بجد لازم تكون المثليه او السحاقيه تكون من جواها راغيه فى العلاج ويكون عندها رغبه انها تترك الفعل ده لان ده بيساعد كتير فى العلاج

تحياتى ليكى

صبرني يارب يقول...

اول مره ازور مدوتك
وفعلا مدونه جميله

واحيكى على انك اتكلمتى فى موضع زي ده

انا مش مع التعتيم ودفن الراس ابدا

بس الحقيقه انا استغربت من حاجه

ازاي بيجادلوا فى حرمانيه المثليه الجنسيه

وازاي انتم مش عارفين تردوا عليهم
؟؟؟

شوفي الايه دي

واللاتي ياتين الفاحشة من نسائكم فاستشهدوا عليهن اربعة منكم فان شهدوا فامسكوهن في البيوت حتى يتوفاهن الموت او يجعل الله لهن سبيلا

والايه دي المفسرين قالوا ان المقصود بها السحاقيات
وهى واضحه عموما لان لو كان مقصود بها الزنا كانت اتكلمت بصيغة الجمع للكل مش الجمع المؤنث بس

لان نفس الايه موجوده بصيغة الجمع المذكر وبشكل مباشر اكتر فى الحديث عن فوم لوط فى القرآن

وانا مقتنعه بالراي ده وان كان فى اراء بتقول ان المقصود بها بظاهر القول الزانيات

لكن شوفي هنا الايه دي

ولوطا اذ قال لقومه اتاتون الفاحشة ما سبقكم بها من احد من العالمين



شوفتي ازاي وصف فعل قوم لوط بالفحش ؟؟

كمان السحاقيات فعلهم فاحش


واي فحش هو محرم

شوفي الايات دي

ولا تقربوا الفواحش ما ظهر منها وما بطن

والايه دي كمان

قل انما حرم ربي الفواحش ما ظهر منها وما بطن والاثم والبغي بغير الحق وان تشركوا بالله ما لم ينزل به سلطانا وان تقولوا على الله ما لا تعلمون




وايا كانت اسباب السحاقيات او المثلييين فانها اسباب واهيه

وزي ما قال عليهم القرآن

واذا فعلوا فاحشة قالوا وجدنا عليها اباءنا والله امرنا بها قل ان الله لا يامر بالفحشاء اتقولون على الله ما لا تعلمون


لازم تدافع عن نفسها لكن لازم نرد عليها


انا مش باقسوا عليهم لكن لازم نعاملهم على انها اخطأوا مش نطبطب بس ونقولهم انتم مظلومين

لا نطبطب لما يقولوا احنا غلطانين وعايزين نتعالج

انما غير كده مافيش طبطبه


وفى النهايه باقول للاخت اعايزه اتوب

والذين اذا فعلوا فاحشة او ظلموا انفسهم ذكروا الله فاستغفروا لذنوبهم ومن يغفر الذنوب الا الله ولم يصروا على ما فعلوا وهم يعلمون


وكمان اقولها

اتل ما اوحي اليك من الكتاب واقم الصلاة ان الصلاة تنهى عن الفحشاء والمنكر ولذكر الله اكبر والله يعلم ما تصنعون


اظن كده وضحت ويا بنتى روحي لمعالج نفسي لو كان ده هاينفعك

وياريت يا دموع تساعديها لو تقدري


انا اول مره ازور مدونتك لكن ان شاء الله زبونه انا هنا على طول

تقبلي تحياتي عن موضوعات الى لسه هاروح اغوص فيها شويه

واسفه على الاطاله

ريمان يقول...

السلام عليكم

دكتوره من بعد اذنك عندى شويه كلامه احب اقوله للاخت : "عايزه اتوب"

عايزه اتوب


اهلا اهلا بيكى يا اختى



انا والله فى شويه نصايح هقولهالك بس يا رب تفيدك يا رب

الحاجات دى حاولى انك تداومى عليها وهى ان شاء الله هتساعدك على الاقلاع والوقايه كمان من الذنب ده

ــــــــــــــــــــــــــــ

ختى

*داومى على صوم النوافل بوجه عام ، فالصوم فيه كبح للشهوة وتخفيف لحدتها ، وقد حث عليه النبي صلى الله عليه وسلم للذين لا يستطيعون على الزواج .

( حبيبتى جربى بجد الصوم بجد ده طريقه فعاله جدا اقولك ليه لان الواحده اما بتكون صايمه مش بتفكر فى اى شىء غير الاكل وامته المغرب يأذن عشان تفطر فبالتالى مش بتفكر فى اى شىء تانى )

*· انصحك بممارسه الرياضة بصفة عامة أو القراءة والأنشغال بأمور تعود بامور تعود عليكى بالنفع

*قومى كل يوم بالاسترخاء في مكان هادئ وجلب صورة الفعل الشاذ إلى مخيلتك ثم تقتيمها وتسويدها وتصغيرها وجلب صورة العقوبة والشعور بالألم حتى تقترن الصورتان مع بعضهما البعض.




*ابتعدى عن رفقاء السوء وأختارى الرفقة الصالحة.( مهم جدا)

*ادعى الله ان ينعم عليكى بالزوج الصالح الطيب

*غضى بصرك عن المحرمات سواءاً في الشارع أو عبر الصحف والأفلام

*تعرفى على عوامل الإثارة :اى قومى بإحصاء عوامل الإثارة الجنسية الشاذة لديكى..


* قومى بتفادي هذه العوامل قدر الإمكان. ومنها غض البصر الذي نمارسه جميعا للوقاية من تأجج الشهوة.

وكمان

المشي الكثير ساعة يومياً مثلا

*اخرجى دايما من الأماكن المغلقة

*لا تجعلى لكى صديقة واحدة

*خليكى مع مجموعه اصدقاء كتير اكتر من بنتبن تلاته مثلا

*اختارى اصدقاءك بعناية من الصالحات

ومش يكونوا ضعيفات الشخصية

* اختلطى بالمتزوجات، وبالأطفال، وتلاعبهم حتي يحيا فيها حاسة الأمومة وبالتالى تفكيرك مش هيروح للمثليه ان شاء الله بل هتحسى انك نفسى تتزوجى وتنجبى اطفال بالطريقه الشرعيه

* تجنبى القبلات الكثيرة الغير طبيعية والأحضان، لا سيما من التي تجديها تتعمد ذلك، وتحاول أن تستأثر بيكى فهذه بوادر الخلل


ـــــــــــــــــــــ

والمهم حبيتبى تحاولى انك مش تقعدى كتير لوحدك عشان طبعا مش تفكرى كتير وطبعا التفكير ده شىء ممكن يأدى لاى فعل يغضب ربنا

اختى


اتمنى من الله ان ينفعك بكلامى ونصايحى المتواضعه وانا هتركك مع الدكتوره وباذن الله هتفيدك اكتر منى

واختى عايزه اقولك على شىء مهم جدا

اوعى تكرهى نفسك

اوعى بجد عشان مايبقاش فى فجوه بينك وبينها

وكمان اختى كلنا بنا اخطاء بس كل واحد ذنوبه واخطاؤه بتختلف عن التانى بس فى الاخر اسمها معصيه وربنا خلق التوبه عشان الذنوب ولو مكانش فيه توبه مكانش فى حد بيغلط

اختى

اتمنى من الله ان تزفك الملائكه فرحه بتوبتك وعودتك الى الله

اختى

انى احبك فى الله

ومدونتى مفتوحه ليكى فى كل ووقت

ريمان يقول...

اسفه يا دكتوره بجد على الازعاج


اتمنى مش اكون ضايقت حضرتك

شكرا لكى

مهندس / على درويش يقول...

السلام عليكم

اولا حضرتك اثرتي موضوع يخاف كثير من الأقتراب منه احييكي

ثانيا : تصنيف دا يمكن يكون حقيقي بس الأكيد ان الحل مش بعيد ولا حاجه

الحل دائما بيكون الإكثار من ذكر الله والتوبه واندم على ما قدمته ايدينا



تحياتي

القدر و انا يقول...

شيرين
ازيك .. وحشتينى يارب تكون اخبارك كلها بخير
موضوعك خطير وجرئ متابعاه فى سفرى الفترة الماضية ومعجبة بطريقة عرضك له
فعلا مشرط جراح ماهر يشرح ويوضح ويحاول استئصال الجزء المريض
تحياتى لك

بعبعه يقول...

موضوع هايل جدا جدا

وانا معاكي فى كل الكلام الى قولتيه وبعد ردودكم على عايزه اتوب مش عندي حاجه اقولها لها

ومن وجهة نظري ان الحاجات دي السبب فيها الجهل بالثقافه الجنسيه الصحيحه

مع اهمال من الاهل طبعا وقلة فى الدين والاخلاق

حقيقى موضوعك هايل

انا عامله سلسله عن الثقافه الجنسي عندي ياريت تشرفينى يا دكتوره اكيد هاتصلحيلى انا مش مختصه ولا امت بصله للموضوع بس القراء عندي طلبوا مني كده مش عارفه شكلي تقريبا يجيب كده
هههههههههههه
ياريت تشرفينى

فراشة يقول...

يا جماعة مدوناتنا كلنا مسروقة
واحنا قاعدين مش حاسين بحاجه
لازم يكون لينا موقف
بصراحه صديقتنا طفلة صاحبة مدونة
احساس طفلة محبة للرومانسية بس عاطفية
هى اللى نبهتنى لده
بشكرها جدا
كلنا نعمل اى حاجه ونبلغ بعض

لاسع افندى يقول...

انا تابعت موضوعاتك السابقه بس ماكنتش بعلق لان ماعنديش حاجه اضيفها للموضوع لكن شعرت انه واجب على الاقل ان اعبر عن اعجابى بالمدونه وبالاسلوب الرزين العلمى البعيد عن الادانه او التجريح فى احد ربما يكون ضحيه لظروف

مره اخرى تحيه على اسلوب تناول الموضوع


تحياتى

شرين يقول...

عايزة اتوب

السلام عليكم

اولا انك تكونى كرة الشئ دة فدة فى حد ذاتة اعتراف بانك بترتكبى خطا ما

ثانيا مافيش انسان مش بيعمل عمل طيب ويكتب علية حسنات مجرد ارسالة الرسالة خدتى حسنات كتير

ثالتا بقى نيجى للطلب بتاعك انا مش هعرف اقولك اعملى واحد اتنين زى ما ريمان بتقولك كدة لان انتى عايزة شخص يكون متابع معاكى وقريب منك تقدرى تلاقية فى اى وقت لما تحسى بضعف لان اى عادة عايزة تتخلصى منها بيكون زيها زى الادمان يعنى تاثير الشئ دة بيقل بالتدريج وهيجلك اوقات كترة هتلاقى نفسك ضعيفة وعايزة ترجعى تانى لفعل الشئ دة فلازم تكونى متابعة مع طبيب متخصص مش اى طبيب


لو ينفع تكلمينى على الاميل وانشاء الله تبقى كويسة

شجر الليمون يقول...

رسالة إلي : عايزة أتوب ذات القلب النفس اللوامة المسلمة والمؤمنة بإذن الله والتي تفعل ما تفعل وهو ليس بفعل المؤمنات ..ذات القلب الصارخ والتي تحب الله وتخشاه ..وأين نحن من حب الله

يا سيدتي قلب معك وأعلم أنك ستلتزمي دينيا عما قريب وأعلم أنك قد تقتنعين بأن ذلك ذنب بالقياس يساوي جريمة الزنا وبالإستنباط يعادل فاحشة اللواط
يا سيدتي ..نعم سيدتي لأنك ستكونين كذلك فأنت في أول مراحل التوبة وما أجمل إحساسك بالذنب وما أروع أن تحاسبي نفسك
إحفظ الله يحفظك
إحفظ الله تجده أمامك
إذا سألت فأسأل الله
وإذا أستعنت فأستعن بالله

يا غاليتي وأختي وعزيزتي المؤمنة كيد الشيطان ضعيف ضعيف ..فقط الاستعاذة منه ليس إلا
{إن الذين اتقوا إذا مسهم طائف من الشيطان تذكروا فإذا هم مبصرون}

عليك بالصوم فانه جنه
وعليك بالاستغفار والاكثار من قول لا حول ولا قوة الابالله
والسحاق كالزنا وذلك وارد في حديث الرسول الكريم
(( السحاق بين النساء زنا بينهن ... )) رواه الطبراني
السحاق في الاثم كالزنا تماما من غير اختلاف و لكنه يفارق الزنا الواقع بين الرجل و المرأة بأنه لا حد فيه لأن الزنا موجب للحد المقرر في الدين ...لأن السحاق لا أيلاج فيه غالبا ... انما التعزير هو العقاب ...
وبعيدا من الحد فلنتذكر عذاب الله
ولك أختي المؤمنة وانت علي فراشك كل ليلة ..لك أن تتذكري أنها ليلة قد يكون صباحها يوم القيامة لأن من مات فقد قامت قيامته فهل ستبحثين وقتها عن فعل ذلك
أذكرك وأذكر نفسي بتقوي الله وسأدلك علي كتاب لابد أن تقرأيه وذلك سيفجر فيك الخوف من الله
كتاب : عمر أمة الاسلام وقرب ظهور المهدي عليه السلام

واذا لم تجديه فقط عليك أن تخبريني وسأقوم بارساله لك عبر النت

أنا يا سيدتي لن يزيدني ايمانك ولن ينقصي قلة ايمانك ولكن نحن المسلمون كالبنيان والدين النصيحة ولا أملك الا تلك الكلمات ودعائي من القلب لك

اللهم اهدنا واهدها واشف صدولر قوم مؤمنين

أخيرا يا اختي العزيزة أسف علي الإطالة وأتمني من قلبي أن ألا تجعلي هواكي الها تعبديه
بسم الله الرحمن الرحيم
أَفَرَأَيْتَ مَنِ اتَّخَذَ إِلَهَهُ هَوَاهُ وَأَضَلَّهُ اللَّهُ عَلَى عِلْمٍ وَخَتَمَ عَلَى سَمْعِهِ وَقَلْبِهِ وَجَعَلَ عَلَى بَصَرِهِ غِشَاوَةً فَمَن يَهْدِيهِ مِن بَعْدِ اللَّهِ أَفَلَا تَذَكَّرُونَ

وتذكري دائما ليلة سيكون صباحها يوم القيامة وضعي الموت نصب عينيك وأعلمي أن ما كن لله دام واتصل وأن ماكان لغير الله انقطع وانفصل

نزل الأمين جبريل علي الرسول الكريم وقال له وهو معصوم عليه الصلاة والسلام قال له
يا محمد عش ماشئت فإنك ميت
وأحبب من شئت فإنك مفارقه
وأفعل ما شئت فإنك مجزي به
وأعلم أن شرف امؤمن قيام الليل
وعزه في استغنائه عن الناس

أقسم بالله أن حزين لك ولكل من يفعل ذلك وأتمني من قلبي التوبة النصوحي ..والله المستعان
اللهم صلي علي محمد وعلي اله وصحبه وسلم وأخر دعوانا أن الحمد لله رب العالمبن
السلام عليكم ورحمة الله وبركاته

شيماء جمال(شيمو القمر) يقول...

ربنا يعينك يا دكتورة شيرين بجد

الموضوع ده كبير وخطير جدا
بس ممكن كمان يرجع الى زيادة نسبة العنوسة الكبير جدا فى بلدنا
كل ولد قصاده 9 بنات وفيه ولاد كتير بيجوزا متأخر فده أدى الى زيادة نسبة العنوسة
ممكن يكون ده كمان سبب

ربنا يعينك يا رب
وتقدرى بجد تعملى حاجة
تحياتى
شيمو القمر

فراشة يقول...

انا آسفه ان كنت غيبت عن زيارتك كتير ولما ارجع اعلق عندك يكون تعليقى بعيد عن المدونة بس والله من غيرتى على كل واحد فيكم وعلى كل كلمة كتبتوها حسيت انى حتجنن لازم ابلغم

يا جماعة مدوناتنا كلنا مسروقة
واحنا قاعدين مش حاسين بحاجه
لازم يكون لينا موقف
بصراحه
هى اللى نبهتنى لده
بشكرها جدا
بيخدوا كوبى من كل حاجه بنعملها ويا اما بيعملوا مدونة باسمهم او على المنتديات

كلنا نعمل اى حاجه ونبلغ بعض

ياريت كل واحد عنده طريقه نمنع بيها ده نحاول نساعد بعض
حكتبلك اللينكات بس دى مجرد امثلة للى حصل معايا او مع صديقتنا وردة و صديقتنا طفلة صاحبة مدونة
احساس طفلة محبة للرومانسية بس عاطفية يعنى مش هم دول بس لأ فى كتير جدا

http://love-radwan.blogspot.com/2009/05/blog-post_23.html

واللينك ده http://www.fremuzic.com/vb/t1159.htm

كل واحد يعمل سيرش على جوجل على اعماله ويشوف لو مسروق ولا لأ

صبرني يارب يقول...

معلش انا نسيت اقول حاجه لعايزه اتوب


سترك الله فاستري نفسك

لما تتوبي ان شاء الله وتقلعي عن التصرف الوحش ده

وربنا يرزقك بابن الحلال

ياريت بلاش تقولي له حاجه ولا هو ولا غيره


خلاص ربنا تاب عليكى وسترك خليها كده بقى


شكرا يا شيرين

شرين يقول...

شجر الليمون

استاذ احمد اشكرك على مجهودك الجميل دة بس ليا تعليق معلش ياريت تتقبلة منى

هو انت فاكر انا لما بقول مثليات ان بديهم نشان ولا بميزهم ولا اية اولا كلمة سحاق فى اللغة العربية يعنى المساحقة او اندماج الشئ بالشيئ وعلى حد معلوماتى ممكن تكون غلط او صح االله اعلم لم يذكر فى القران والسنة كلمة سحاق وطبعا لا اقصد
نبى الله إسحاق علية السلام

اما معنى كلمة مثلى يعنى اتنين متشابهات علشان كدة بيطلق عليهم ، وانا بقى لا بقول سحاقيات ولا مثليات انا بحب استخدم مسمى تانى خالص

ثانيا : انا ارى من واقع مشاهدتى ومعرفتى بيهم ان بعضهم نفسى وبعضهم دينى وبعضهم فراغ فياريت توسع دائرتك لو كنت بتدور على علاج صحيح

وكم جميل دعائك
اللهم اهدنا واهدها واشف صدور قومك المؤمنين


جزاك الله خيرا على مجهودك

شرين يقول...

اختى ريمان

السلام عليكم

يعجبنى اسلوبك جدا جدا بجد انتى يا طبيبة نفسية او اخصائية نفسية برضة فى عندك صبر واحيانا التجارب التى يمر بها البشر تثقلهم وتجعلهم لديهم الخبرة والحنكة لمعرفة الوصول الى الناس فتحياتى لك وربنا يوفقك


نيجى بقى للكلام الا قولتية كلام حلو جدا مقدرش اقول شئ فية طبعا بس الكلام دة ينفع انسان بيفكر ينحرف او جاى بيقول انا شوفت كذا والشيطان بيشجعة ان يعمل ، اما الا جوة الدايرة وعملل وخلاص لازم يكون لية علاج تانى خالص بيبدا بالحوار والتدرج لحين الوصول للشفاء وانا عن نفسى مش بثق فى الشفاء الا بعد ما اشوف المريض قدامى متعافى


انتى تكتبى وتطولى برحتك جزاكى الله كل خير يارب

شرين يقول...

صبرنى يا رب

السلام عليكم

اهلا بيكى ونورتى المدونة وانا الا بحيكى لان فى ناس كتير بترفض الحوار والحديث دة

كل ما ذكرتى صحيح يا اختى لكن هما كلامهم ان مافيش دليل صحيح فى الكتاب او السنة يقول مباشرة ان البنت مع البنت حرام قصدهم تحريم مباشر زى الزنا والخمر واللواط وغيرة ، وعند قياس الشئ بالشئ يقولوا ان هناك اختلاف بين اللواط لان فية ايلاج لكن معهم فهو لا

وانا معاكى فى كل ما ذكرتى بس ليا تصحيح لك يا عزيزتى
واللاتي ياتين الفاحشة من نسائكم فاستشهدوا عليهن اربعة منكم فان شهدوا فامسكوهن في البيوت حتى يتوفاهن الموت او يجعل الله لهن سبيلا
الاية دى فى كل التفسيرات الطبرى وابن كثير وغيرهم نزلت فى بداية تحريم الزنا وليس المقصود بها السحاق فقد قيلت ولم يكن نزل بعد حد اقامة الزنا على النساء على اعتبار ان القران الكريم لم ينزل كاملا مثلة مثل تحريم الخمر


جزاكى الله خير على ما قولتى وعندك حق فى انك توصيها ان لا تبلغ زوجها بانها كانت كدة معاكى فى هذا مليون المية


دمتى بكل الخير واشكرك من قلبى

شرين يقول...

مهندس على

حمدلله على السلامة وياريت متغبش تانى عننا

كلامك صحيح اهم شئ الايمان وذكر الله والتوبة الصحيحية


تحياتى لك

شرين يقول...

القدر وانا

وحشتينى اووووى يا ست الكل يارب تكونى بخير

المشكلة ان انا بتكلم بلغة والجميع بيتكلم بلغ نفسى كلنا نفهم انهم مرضى زى الا عندة دور برد ولازم الاول علاج وبعد كدة يتحصن ويصون نفسة

دمتى بحب

شرين يقول...

بعبعة

السلام عليكم

اولا نورتى المدونة واتمنى تشرفينى دائما بالزيارة

ثانيا كلامك صحيح الا هى اخذ المعلومات من مصادر غلط وقلة الوعى والدين والتربية


على فكرة مدونتك جميلة جدا وفيها مجهود حلو اوى ومعلومات جميلة ربنا يوفقك بس حاولى تطرحى الموضوع بعمق اكبر وباسلوب انك بتكلمى مع كبار دة الشئ الا كنت بقولك علية الا مفقود


جزاكى الله خير

شرين يقول...

فراشة

انتى تيجى وتقولى الا يعجبك وطبعا من حقك تغيرى على مجهودك ومجهود اى حد

بس هقولك شئ مدونة الاخ الظريف اللطيف دة ولا ليها قيمة ولا اى مدونة صاحبها بيسرق من حد لان هو مش هيكون عندة الجراة ان يعلن عن نفسى وهتظهر فى الضلمة وتختفى فمفيش داعى تزعلى نفسك


دمتى بحب

شرين يقول...

لاسع افندى

انا الا بشكرك لمتابعتك وكلامك وفعلا الناس دول زينا ومافيش انسان خالى من الاخطاء ولا الغلطات فلازم نتعامل معاهم بمنطق وباحترام


تحياتى دمت بخبر

شرين يقول...

شيمو القمر

السلام عليكم

اكيد طبعا تاخر سن الزواج من الاسباب لان كل بنت نفسها تعيش قصة حب وتحس بانوثتها فخوفها من المجتمع والحلال والحرام بيدفعها لكدة فى بعض الحالات

نورتى يا قمر دمتى بكل الحب

شجر الليمون يقول...

شغفك بالحديث عنهم أنساك التعليق لدينا
أماذا حدث للطبيبة الشابة

عاشقة الأحزان يقول...

السلام عليكم


شيرين

وحشيتنى قووى

معلهش اليومين اللى فاتو ماكنش عندى نت غصب عنى
كنت بمر بظروف مش كويسه بس الحمد لله

اكيد هنتكلم على الميل ونحكى كتير قووى

وبجد ليكى وحشه كبيره

وكلامك كبير قووى وخطير

وبجد ماعنديش تععليق عليه

وكلامن كتير

سلام ياقمر

تحياتى
انوسه

"red rose" يقول...

الســــــلام عليكم
إزيك ياأحلى شري يارب تكونى بخير
بجد الموضوع ضرورى جدا وأنا بحيكى انك بتكتبى مواضيع زى دى لأن فى ناس كتير جدا متعرفش الحجات دى والله ومنهم أنا الصراحه ياعنى وبجد ربنا يهدى كل المسلمين والمسلمات أجمعين ويكتر من أمثالك ياشرين
وعوزه أقول للأخت عايزه اتوب
ان هى لازم بجد تقرب من ربنا وتحاول تقرى قرأن كتير ومش تقعد لوحدها فى خلوه لان الشيطان بيستضعف البنت
الضعيفه واللى عاوزه تتوب بجد بس هى تحاول تستعين بالصبر والصلاه وان شاء الله التوبه ليكى قريبه بإذن الله وربنا يهديكى يارب


**إلهى لا تعذبنى فإنى مقر بالذى قد كان منى...
ومالى حيله إلا رجائى وعفوك إن عفوت وحسن ظني ...
يظن الناس بى خير وغنى لشر الناس إن لم تعفو عنى...
إلهى ل تعذبنى فإنى مقر بالذى قد كان منى ...


وجزاكى الله كل خير ياشرين على كل مواضيعك الجميله

تقبلى تحياتى

صبرني يارب يقول...

تعالى من فضلك يا دكتوره عندي عايزاكي بس تشوفي الموضوع الجديد

نورينى

شجر الليمون يقول...

سيدتي يومين أو ثلاثة أيام سأنشر قصيدة عن السحاق وعذرا بها كل شئ خارج علاجا للماء بالماء

وأحتاجك سيدتي فقط في الوقوف بجانبي لأني أعلم أنها ستفتح عليا بابا من أبواب الكره للمدونات وربما لو فشلت سأهرب من التدوين
أحتاجك بجواري أختا مسلمة

شكرا

شجر الليمون يقول...

هناك قصيدة عن السحاق ,ا المثليات كما تزعمي أرجوك أقرئيها لكل من تعرفي أنها كذلك ولتدعو أصدقائها أيضا

شجر الليمون يقول...

http://shagarellemoun.blogspot.com/2009/06/blog-post_17.html

عازفة ألاهات يقول...

الدكتـــورة المبجلة أدعوكى للمناقشة [ بأسمى مثلية أو سحيقةولا شاذة زى ما بتدعو تقولوا عموما فى أنتظارك .. عازفة ألآهات..

فراشة يقول...

ازيك يا شيرين
فين بس موضوعاتك الجميلة

حبيت اطمن عليكى واقولك كل سنه وانتى طيبة وبالف خير
رمضان كريم

أحمد الصعيدي يقول...

السلام عليكم

كل عام وأنتم بخير

عاشقه الرومانسيه يقول...

فينك يادكتوره؟
غيابك طال قوى
يارب تكونى بخير

مثليه فى طريق التعافى يقول...

ممكن اتكلم معاكى انا ايميلى عشان مش عارفه اجيب ايميلك sadheart76@hotmail.com
بعد اذنك لو قدرتى نتكلم

غير معرف يقول...

السلام عليكم

شرين ارجوكي انت فين انا كنت عايزاكي تكملي مشوارك في ناس كتير محتجاكي
انت فين يا قمر
الموضوع طلع كبير
يمكن ربنا يجعلك سبب لهداية الكثيرات
جوبي انت فينننننننننننننننننننننننننننننننننننننننننننننننننننننننننننننننننننننننننن فين

فارس عبدالفتاح يقول...

بصراحة مش عارف اقول ايه الموضوع حساس جداً بس اعتقد ان هؤلاء النساء او الفتيات او الفتيان او الرجال لديهم مشكلة حقيقية في نفسهم وفي عقولهم وهم اناس منحرفين بمعنى الكلمة ولا نقاش في ذلك ولا جدال حوله

اما العلاج وغيره فبصراحة انا ليست لدي اي اقتراح اخاف ان اصدر احكام مسبقة لكن هؤلاء ليسو اناس اسوياء ولا يجب ان يختلطو بالمجتمع لانهم اناس غير طبيعيين فلابد من عزلهم والتعامل معهم يكون من اختصاصيين حتى يسطيعون ان يعالجوهم


وعلى فكرة انا قراءة بعض الكتب في علم النفس تناقش هذا الامر ولكن ايضا بحكم قراءتي المتواضعة في الفلسفة اجد ان علم النفس علم ليس دقيق الى الدرجة التي تستطيعين فيها ان تحددي امر معين لانه يحاول ان يتحسس شيء غيبي وهو النفس


ولذلك توجد تعريفات لا نهاية لها عن النفس لانه ليست مادة نستطيع ان ندخلها في معامل للتحليل او التجربة عليها وهذه ام المشاكل


آسف على الاطالة


فارس عبدالفتاح .. قومي عربي

Uouo Uo يقول...



thx

كشف تسربات المياة
غسيل خزانات
شركة نظافة عامة