كان في بنت من الناس حبت ولد فقير وهو حبها وراح وأتقدم لأهلها بس للأسف رفضوه حاول تانى وتالت وكل مرة يرفضوه علشان فقير ملقاش إلا أنة يسافر علشان يجيب فلوس ويقدر يرجع ويجوز حبيبته وفعلا سافر الولد بس والولد مسافر أتقدم لحبيبته راجل غنى أهلها وفقوا بيه
اتصلت البنت بحبيبها وقالتلة الحقنى قالها اهربي وتعالى وفعلا هربت البنت وراحت الجزيرة لحبيبها بس للأسف على ما وصلت لقت حبيبها راح جزيرة تانية ركبت مركب والمركبى طلب فلوس علشان يوصلها قالته مش معايا بس حبيبى أول ما أوصلة هيديك الفلوس إلا أنت عايزها أرجوك توصلني لحبيبي
وفعلا خدها المركبى وودها للجزيرة لحبيبها وهى نزلة من المركب لقت شخص مجنون بيهجم عليها وعايز يخنقها جريت وفضلت تجرى من المجنون لحد ما لقت واحد وخدها في حضنة بصت لقت حبيبها حضنها وخدها ومشيوا
صحيوا أهل الجزيرة الصبح لقوا البنت مقتولة على شط الجزيرة يا ترى مين إلا قتل البنت اهلها ولا حبيبها ولا المركبى ولا المجنون
اتصلت البنت بحبيبها وقالتلة الحقنى قالها اهربي وتعالى وفعلا هربت البنت وراحت الجزيرة لحبيبها بس للأسف على ما وصلت لقت حبيبها راح جزيرة تانية ركبت مركب والمركبى طلب فلوس علشان يوصلها قالته مش معايا بس حبيبى أول ما أوصلة هيديك الفلوس إلا أنت عايزها أرجوك توصلني لحبيبي
وفعلا خدها المركبى وودها للجزيرة لحبيبها وهى نزلة من المركب لقت شخص مجنون بيهجم عليها وعايز يخنقها جريت وفضلت تجرى من المجنون لحد ما لقت واحد وخدها في حضنة بصت لقت حبيبها حضنها وخدها ومشيوا
صحيوا أهل الجزيرة الصبح لقوا البنت مقتولة على شط الجزيرة يا ترى مين إلا قتل البنت اهلها ولا حبيبها ولا المركبى ولا المجنون
ياريت كل واحد يرتب إلا يتوقع مين إلا قتل البنت علشان عندي ليكم مفاجأة
33 الا بيصرخوا معايا:
السلام عليكم
أول مرة أدخل المدونة عجبتني الحكاية قولت أعلق
متهيألي انتحرت لما لقت حبيبها في حضن واحدة تانية ودي فكرتكوا عن الرجال يا ريت أعرف صح ولا غلط
السلام عليكم
إذيك ياشيرين
أخبارك أيه يارب تكونى فى أحسن صحه
قصه جميله قوووى بس غامضه شويه ياشيرى
بتهيألى كده والله أعلم حبيبها عشان أهلها رفضوه كذا مره
هو اللى قتلها
وعامة سواء هو أو غيره أيه ذنبها إنها تموت
للدرجه دى الحب بيموت
الحمد لله إنى رجعت لعقلى
هههههههههههه
تقبلى تحياتى
عزيزتي شيرين
كتير حلو هالبوست وحاسه ورا هالقصه حاجه حلوه يعني ايه الهدف من الاختيار بين الاشخاص الي بالقصه يمكن اختبار ذكاء او حاجه معينه فانا حاختار بالترتيب بينهم الاول الحبيب يمكن قتلها علشان من الحب ما قتل التاني الاهل لانهم دوروا عليها ما لقيوها فاكيد قتلوها التالت المجنون يمكن الرابع هو المركبي ما اعتقدش انه عملها علشان خاطر اكم جنيه فده يبقى خارج المنافسه
انا كده رتبتهم بس ازا ترتيب صح اعترفي وقولي ايه هدف الترتيب
احسن انا حاسه ان الكل مش فاهم انك قاصده شيء معين من ورا دي
نسيت اسالك حاجه ليه مش بتدخلي عندي
في قلب امراه يا دموع امراه ؟؟؟؟؟؟؟
ربنا يوفقك
ودمتي بحب
شجر الليمون
وعليكم السلام
نورت المدونة وشرفنى تواجدك معانا ارجوك اختار الا قتل البنت بالترتيب لان دة اختبار نفسى للعقل الباطن للانسان
تقبل تحياتى
عاشقة الاحزان
اختى ايناس
انا عايزاكى ترتبى الا قتلوا البنت بالترتيب وعموما انتى اخترتى الحبيب اول شئ فدة معناة ان لسة بتفكرى جواكى فى الانسان الا بتحبية
رتبى ونرجع نكلم تانى
تقبلى تحياتى ربنا يوفقك
عزيزى ريم
مش فاهمة التناقض الا حصل انتى لسة منزلة تعليق عمال ماشفتة ورجعت اعلق لقيتك شلتية وكان اختيارك الاهل ثم المجنون ثم المركبى ثم الحبيب
كدة بعتبر تذبذب ارسى على حل
انا مش هفسرلك حاليا معنى كدة لحد ما اشوف الكل معلق علشان محدش يفكر ويكتب عايزة اعرف العقل الباطن بيفكر فى اية
وصدقينى هزور قلب امراة بس الشغل وخدنى اليومين دول انتظرى زيارة قريبة
عزيزتي شيرين
ركزي معايا انتي الاول ولا حرف بيطير من عندي اما انتي طيرتي حرف التاء فينوه مش عارفه ؟؟
بعدين ايه التزبزب الي بتقولي عليه انا فكرت وغيرت رايي ايه دي فيها حاجه دي كل واحد حر بافكاري يا ختي انتي الك بالنتيجه
انا عارفه عاوزه توصلي لايه اصل الطب والدراسه للحالات النفسيه ماثره على دماغك انا عارفه وعاملانا حقل تجارب
ماشي مش مهم مدام حنخدم البشريه يبقى كله بثوابوه بقى عند ربنا
بعدين تعي كل واحد يلبس على راسه حاجه قبل ما يخش عندك ؟؟؟
بهزر معاكي
بوستك ومدونتك تجنن وتنوريني متى دخلتي
وخليكي براحتك
دمتي بحب وخير دايما
ريم
السلام عليكم
اية ياريم فى اية مالك زعلانة كذة لية
كلمة تزبزب بتكتب كدة تذبذب بدال بتعلقى على غلطة مطبعية انى الياء وقعت منى
تانى شئ الانسان الا بيفكر كتير بيكون انسان متردد وخواف وبيكون جواة اشياء ومتناقضات كتير عموما هبقى احللك شخصيتك بس بعدين
وانا مش عاملة تجارب ولا حاجة احنا مجرد اصدقاء واخوات بنتكلم ونتسلى مع بعض
تقبلى تحياتى
يعنى اجى اقرا على انها قصه الاقيها اختبار نفسى ؟
عموما انا بحب الاختبارات اللى من النوع ده قوى
المجنون
المراكبى
اهلها
حبيبها
منتظره الرد
شيرين
من قتل البنت
اولا الاهل لانهم دفعوما للهرب بتعنتهم
ثانيا الحبيب الذى شجعها على الهرب وتعرضها للمخاطر
ثثالثا المحنون وهو غير مسؤل
رابعا المراكبى ربما طمعا فى شء
يالا حللى بقى
تحياتى
السلام عليكم
أول مرة أزور المدونة عجبتنى الفكرة
و انا فى ترتيبى اللى قتل البنت
اولا اهلها لما رفضوا ان هم حتى يتقبلوا الولد بس برده ليهم حق
ثانيا لما حبيبها سافر و سابها لوحها بس محدش يقدر يلومه عايز يجيب فلوس
ثالثا بتهيألى لا المركبى و لا المجنون ليهم علاقة
انا تهت
هههههههههههههههه
نقبلى تحياتى
شيرين طبعآ انا بحاول افهمها من امبارح
طبعآ الاهل هما أول ناس دافعوها للهرب
وثانيآ حبيبها لما سابها وهرب
وثالثآ المركبى اللى ساعده توصل للموت
ورابعآ المجنون اللى حاول يقتلها
بجد هى ضحية وهم أسمه حب حقيقى
وكلهم جنو عليها
وبجد مالهاش حل غير كده ده طبعآ من وجهة نظرى أنا
دمتى بألف خير يا دكتوره
أختك ايناس
ملحوظه
منتظراك بليل ان شاء الله اما ارجع من الشغل
نتكلم على الميل
سلالالالالالالالالالالالالالالام
هنبدا التحليل النفسى كلة يسكت خالص ويسترخى ويحلل نفسة بنفسة
شجر الليمون :
انت كدة يا عزيزى متشائم جدا معرفش اقول عقلك بيفكر فى اية عموما جاوب وهنقولك
=====================================
عاشقة الاحزان:
تفكير عقلك الباطن فى اهل هما بيمثلولك كل شئ ودايما بتفكرى فيهم قبل ما تقدمى على اى خطوة بتعمليها
وتانى شئ انتى نوعا ما رومانسية لما فكرتى بالحبيب بس بتحملية مسئولية كل شئ بالرغم ان تفكيرك واجابتك الاولى الحبيب ودة يدل ان الحبيب جواكى لية اولوية كبيرة جدا
ثالت شئ اخترتية المركبى ودة رمز المال والمال يمثل الاولوية التالتة ليكى ولية اهمية
رابعا المجنون ودة بيرمز للحياة وهى بتمثل ليكى اخر شئ يعنى تفكيرك مش دنيوى
اتمنى اعرف صح ولا لا
=====================================
ريم
انا هحللك زى ما قريت فى اول تعليق الا اتمسح
اخترتى الاهل يبقى الاهل يمثلون المقام الاول ليكى ، ثم تفكيرك فى الحياة حساها شغلاكى جدا وبتفكرى فى العالم الحيط بيكى وشغلة نفسك بية انصحك انسى الدنيا وفكرى فى نفسك اكتر ، ثم اخترتى المادة وخير الامور الوسط يعنى المادة بتمثل الشئ العادى ليكى ، الصعب بقى ان نختار الحبيب اخر شئ لان اعتقد الحبيب دة اكتر واحد بيكون قريب مننا فكرى فى كلامى وقوليلى رايك بجد بدون تذبذب
====================================
عاشقة الرومانسية
تفكيرك الداخلى فى الحياة بتهتمى بالحياة جدا سواء على مستوى الاصدقاء او على المستوى العام
ثانيا اخترتى المركبى تفكيرك فى المادة يعنى الاصدقاء والمادة اعتقد شئ صعب اوى لان معناة شئ من اتنين اما انك انانية وبخيلة جدا او كريمة وبتضحى بنفسك علشان الغير وعندك استعداد تفقدى المادة علشان الاخرين
ثالت شئ اخترى الاهل يعنى الاهل بيحتلوا مرتبة قبل الاخيرة عندك حاولى تقربى منهم اكتر
رابع شئ تفكيرك فى الحبيب يعنى انتى شخصية عملية مش رومانسية
=====================================
القدر وانا
عارفة ان انتى اكتر وحدة اجابتك كانت قريبة من اجابتى
تفكيرك فى اهلك وهما شغلك الشغل وانا بحيكى على كدة ثم الحبيب وانا عكسك اخترت الحبيب ثم الاهل ثم تفكيرك بعد كدة فى الحياة ومشاغل الحياة اعتقد انك انسانة عملية جدا واخيرا المال بيجى عندك فى المرتبة الاخيرة
ياريت اعرف كلامى صح ولا غلط
====================================
ضحكات الحياة
نورت المدونة واتمنى تشرفنى دائما
برضة انت انسان بتحب اهلك وقريب منهم جدا , ثم اخترت الحبيب انت مش رومانسى نص نص ، مش هعرف بقى اقول الباقى بس اقرى وحلل انت بقى نفسك وقولى رايك
تقبلوا جميعا منى اجمل وارق تحية
كلامك فيه الصح وفيه الغلط
و للاسف
الغلط اكتر
والله انا ما مستحمله ظلم
عاشقة الرومانسية
ظلم اية كفانا واياكى شر الظلم
دة تحليل وكلام عادى هو انا عالمة بالغيب وعموما يا قمر لو زعلتى نبقى ننزل بوست تانى ونغير فية التحليل دة ولا ظلم ولا شئ
ربنا يسعدك ويبعد عنك الظلم
السلام عليكم
سعدت جدا بمرورك وأتمني تكرار التواصل
انا كنت هقولك ده فيلم عربى قديم ومش بيتكرر دلوقتى بس لقيته اختبار وانا بحب الاختبارات ده قوى ممكن ارتبه كده
اهلها
المجنون
المركبى مع ان اللى بيعيش فى البحر بيبقى صافى ومش ممكن يقتل
حبيبها مع ان اللى بيحب ما يقتلش اللى بيحبه
تحياتى
شيمو القمر
شجر الليمون
السلام عليكم
سنتواصل معا دائما انشاء الله فمدونتك جديرة بالزيارة دائما
تقبل تحياتى
شيمو القمر
السلام عليكم
هقول طلع صح كان بيها ادينى جنية طلع غلط مش مهم ادينى برضة الجنية
انتى اخترتى الاهل اولا يعنى تفكيرك وقراراتك بتعتمد على احلك وبعدها المجنون بتحبى الحياة جدا ونفسك تخدى من الدنيا كل شئ وبعدها المركبى الا هو المال او رمز المال اعتثد المال بيثلك شئ نوعا ما ثم الحبيب انتى كدة مش رومانسية خالص انسانة عملية مهما كنتى بتحبى لسة قلبك فى ايدك
تقبلى تفسيرى بصدر رحب وابعتيلى الجنية
هبعتلك الجينه يا دكتورة يا عثل
انا فعلا اهم شئ عندى هم اهلى وقراراتى ديما بيكون معايا فيها بابا وبحب الحياة جدا جدا بس هى ديما موليانى ظهرها يعنى سيئة الحظ والفلوس لم تمثل لى شيئا أما انى رومانسية ولا لأ يمكن شوية بس نفسى احب
تستهالى الجينه
تحياتى
شيمو القمر
شيرين
انت محقة تماما
فبرغم ايمانى العميق بالحب واحتياجى له كل ثانية الا ان اسرتى هى اولى اولوياتى
السلام عليكم
اسفه علي التأخير :(
امممممم اختبار ماشي الله يستر
بعد الله اعلم
اتوقع
المجنون
اهلها
المركبي
حبيبها
ربناااا يستر
وتسلمي يا رب
:)
انا تخيلت البنت هي الي انتحرت ههههههههه
بجد حلو اوي اول بوست عقبال التاني ماشاء الله حلو اويييييي
شيمو القمر
السلام عليكم
الجنية على متبعتية ياريت بالفوايد معلش انا دكتورة مادية شوية وياسلام بقى لو بالدولار
ربنا يسعدك
القدر وانا
السلام عليكم
انتى كمان تبعتى جنية دة البوست دة هلم بية فلوس كتيرة اوى
ربنا يخليلك اهلك ويديم عليكى السعادة
غربتى
السلام عليكم
المجنون يعنى بتهتمى بالحياة مع انى اشك ان اولى اهتمامتك الدنيا وبعد كدة اهلك ثم المركبى يعنى المال مهم ليكى واخيرا تفكيرك فى الحب والحبيب باين عليكى انسانة عملية جدا
اذا صح منتظرة جنية منك انتى كمان
تمنياتى بحياة سعيدة
رنيم
السلام عليكم اسمك جميل وسنك اجمل انتى قد بنتى ربنا يوفقك فى الدراسة وشدى حيلك وبلاش دروس
ربنا يوفقك
السلام عليكم
ربنا يكرمك يا دكتور شرين
ظنك في محله فعلا اخر اهتمامي في الدنيا بس اهلي اكيد اهم شئ عندي الله يبارك فيهم بالنسبه للمال والله ربنا العالم اني مش ماديه يمكن علشان الحمد لله ما حسيت في يوم اني محتاجه لحاجه وما قدرتش اجبها والحمد لله ربنا رزقنا وخيره مالينا الحمد لله
اما الجزء الاخير انا انسانه عمليه مظنش ابداا ااا بالعكس بس يمكن علشان لسه ربنا مش رزقني بالزوج الصالح اللي اديله اغلي شئ عندي وهو الحب :)علشان كدا جت معايا كدا المره ديه ..
تسلمي يارب وربنا يبارك في حضرتك بس اكيد اختيارتي كانت علي تفكير مختلف مني يعني حطيت الاهل والحبيب اخر شئ لانهم اكتر حد قريب منها علشان كدا استبعدت انهم يفكروا يقتلوها وحطيت المجنون الاول لانه انسان مش واعي وممكن يتصرف ويقتل دون وعي وبعد كدا المركبي لانه غريب عنها .. دا كان تفكيري واحساسي ..
دمت بخير
غربتى
السلام عليكم
من كتاباتك بجد حسيتك انسانة طيبة جدا ووحنينة اوى ربنا يرزقك بالزوج الصالح الا تبدئى معاة مشوارك
مع خالص الحب والتقدير
أظنه الحبيب هو الذي قتلها
ولي تفسير في ذالك وهو
أولا: ذهب ليجني المال وعندما أخبرته بزواجها أخبرها بالهروب واللجؤ إليه وكان المفروض أن العكس هو الصحيح
ثانيا : عندما ذهبت إليه إلي الجزيرة لم تجده فسافرت إليه بالمركب وكان المفروض أيضا العكس
ثالثا : وهو على الجزيرة التي ذهبت إليها كان يعلم بقدومها فلما لم ينتظرها وأظن أيضا أنه من أخبر المجنون بفعل هذا كي تجري منه وينقذها هو منه
رابعا: أني أستبعد كل من
المراكبي والمجنون
إذا فالقاتل هو
الحبيب
أو
الأهل
وإن كان الأهل هذا احتمال ضعيف لأنها إن تركت بيت أبيها في منتصف النهار فلن يكتشفوا غيابها إلا بحلول الليل وعلى فرض أنها ذهبت لحبيبها في منتصف نهار يوم أخر فأبيها وأمها ليس لديهم نفس المده للوصول إليها في صباح اليوم التالي ......
والله أعلي وأعلم
تحياتي
مهندس على
قريت تعليقك كذا مرة عجبنى تحليلك وتفسيرك بجد ينفع تكون فى المباحث عموما انت شخص رومانسى جدا لانك فكرت فى الحبيب ربنا يديم عليك نعمة الحب
تانى شئ بتحب اهلك بس اتوصى بيهم كمان شوية
تالثا مع رابعا المركبى رمز المال والمجنون رمز الحياة شوف انت بتفكر فى مين اكتر الحياة ولا المال
ربنا يوفقك يارب
السلام عليكم
فكرتيني بالبرنامج العام في الرديو
في كل الحالات اللي قتل الفتاة هو الحب
ياريت كل انسان يرضي بالقسمة والنصيب لانهما قدر ومكتوب
دمتي بخير
ذكرى
السلام عليكم
انتى رومانسية جدا يا بخت الا نصيبة معاكى
ربنا يسعدك ويكون نصيبك خير
إرسال تعليق